Legenda:
La polizia franzosa en acziun avant l'arrivada dal Tour de France a Paris.
Keystone
cuntegn
Exteriur - Polizia sajetta sin auto a Paris
La polizia da Paris ha sajettà sin in auto ch'ha rut tras ina barriera da la cursa da velo Tour de France. Ils policists vulevan controllar l'automobilist sin la plazza Concorde, a l'entschatta da la Champs-Elysées.
L'um saja dentant simplamain charrà vinavant, uschia che la polizia haja sajettà. I na saja dentant betg gartegià da retegnair l'auto. L’automobilist ha pudì fugir, i na dettia nagins blessads. La polizia suppona che l'automobilist saja stà alcoholisà. Quest suentermezdi maina l'etappa finala dal Tour de France sur la Champs-Elysées.
