Legenda:
La polizia taliana ha tranter auter serrà 1500 biros da scumessa.
Keystone
cuntegn
Exteriur - Polizia taliana arrestà 41 mafiosis
A la polizia taliana èsi tenor atgnas indicaziuns reussì in culp cunter l’organisaziun da la mafia ‘Ndrangheta. Quella duai avair fatg gronds gudogns cun scumessas illegalas en l’internet.
Ils inquisiturs hajan arrestà 41 persunas, rapportan medias. Plinavant saja vegnì confiscà chapital en la valur da duas milliardas euros. 1500 posts da scumessa sajan vegnids serrads. Plinavant hajan las autoritads serrà 82 paginas d’internet per scumessas.
