Exteriur - Praschun per vita duranta per uffiziers serbs
A Den Haag ha il Tribunal da las Naziuns Unidas per crim da guerra sentenzià dus anteriurs uffiziers serbs a praschun per vita duranta pervi dal genocid a Srebrenica.
Legenda:
In dals dus Serbs accusads entra en la sala da dretgira a Den Haag
Keystone
La dretgira ha confermà la sentenza da l'emprima instanza.
Durant la guerra en la Bosnia il 1995 avevan unitads serbas assaglì la zona da protecziun da l'ONU Srebrenica e mazzà radund 8’000 umens e giuvens muslims. La mazzacra vala sco pli terribel crim da guerra en l'Europa dapi la segunda guerra mundiala.
