Il purtader dal Premi Nobel e matematicher american, John Forbes Nash, è mort. Sco quai che la polizia da New Jersey ha confermà a l'agentura da novitads tudestga, è l'um dad 86 onns sa disgrazià ensemen cun sia dunna tar in accident cun auto datiers da New York.
Nash, che pativa da schizofrenia, era vegnì onurà il 1994 cun il Premi Nobel per economia. Dapi lura è el stà engaschà enfin l'ultim tar l'Institut per matematica a Princeton.
Il 2001 era el vegnì persunifitgà en il film da Hollywood «A Beautiful Mind».
RR novitads 17:00
sda/dpa/fc