En l'ost da l'Ucraina s'inflammeschan ils cumbats danovamain. L’OSCE e l'agentura da novitads franzosa AFP rapportan da fermas explosiuns, tranter auter en la citad Donezk.
L’OSCE n'ha fatg naginas indicaziuns da tge partida che las attatgas vegnan. L'armada ucranaisa ed ils separatists sustegnids da la Russia inculpeschan in l'auter. Il medem mument ha il cumandant principal da la Nato declerà durant in inscunter a Brüssel ch'il vest na duai excluder nagins meds per gidar la regenza ucranaisa.