Legenda:
L’aviun da passagiers da la Pologna era da viadi a Hourgada en l'Egipta.
Keystone
cuntegn
Exteriur - Puspè sto in aviun sa tschentar pervia d'ina supposiziun da bumba
Pervi dad ina supposiziun dad ina bumba a bord ha in aviun da passagiers da la Pologna ch'era da viadi a Hourgada en l'Egipta stuì sa tschentar en Bulgaria. Quai rapporta la televisiun statala da la Bulgaria.
Tge societad aviatica ch'è stada pertutgada n'è betg vegnì communitgà. Las forzas da segirezza da la Bulgaria han controllà l'aviun sin ina bumba pussaivla, n'han dentant chattà nagut.
Ils 161 passagiers da l'aviun èn vegnids manads en segirezza. Las forzas da segirezza da la Bulgaria n'han betg chattà ina chargia explosiva. L'eroport a Burgas resta per il mument serrà.
