Legenda:
Il primminister da la Spagna, Mariano Rajoy.
Keystone
cuntegn
Exteriur - Rajoy è pront per il dialog cun la Catalugna
Suenter las elecziuns da la dumengia en la Catalugna è il primminister spagnol, Mariano Rajoy sa mussà pront per il dialog. El vegnia a collavurar cun la regenza regiunala, ha Rajoy ditg a Madrid.
El na vegnia dentant betg a metter en dumonda l'unitad dal pajais. Rajoy ha accentuà che la maioritad dals Catalans na sustegnia betg ils separatists.
Da las elecziuns dad ier avevan las partidas separatisticas bain conquistà ina maioritad dals sezs en il parlament, quai dentant mo grazia a las leschas d'elecziun. Da las vuschs han ils separatists survegnì mo 47,7%.
