Exteriur - Reacziuns sin il mazzament da l’ambassadur russ
Suenter che l'ambassadur russ Andrej Karlow è vegnì mazzà ad Ankara ha il president russ Wladimir Putin annunzià da vulair tschertgar ils tirafils. Ins stoppia savair tgi che haja manà il maun da l'assassin.
Legenda:
Il president da la Russia, Wladimir Putin.
Keystone
Tant la Russia sco er la Tirchia han discurrì d'in act da terror e ditg ch'i sa tracti d'ina provocaziun che duai disturbar la relaziun tranter ils dus pajais.
L'ambassadur russ è vegnì sajettà giu da l'avertura d'in'exposiziun d'art. Tenor il minister da l'intern tirc è l'attentader in policist indigen da 22 onns.
