Legenda:
Il primminister da la Spagna, Mariano Rajoy, cun pleds clers suenter la decleranza d'independenza da la Catalunja.
Keystone
cuntegn
Exteriur - Regenza spagnola recurrescha cunter autonomia catalana
La regenza centrala spagnola ha fatg recurs cunter il plan da la Catalugna da sa separar da la Spagna. La procuratura generala ha inoltrà il recurs a la dretgira constituziunala.
2 dis suenter la decleraziun d'independenza da la Catalunja ha la regenza spagnola purtà plant tar la dretgira constituziunala. La regenza smanatscha da destituir il parlament autonom regiunal da la Catalunja, sch'ellas n'acceptian betg las directivas da la dretgira constituziunala.
Sche la dretgira constituziunala lubescha il plant, lura vegn la decleranza d'independenza automatica sistida per il mument. Tenor il primminister spagnol Mariano Rajoy cuntrafa la decleranza al prinicipi da l'unitad dal stadi.