Suenter las attatgas a Paris ha la chombra da represchentants en ils Stadis Unids decidì reglas pli severas per entrar en il pajais senza visum. Il sboz da lescha è vegnì approvà cun 407 cunter 19 vuschs.
Il senat sto er anc approvar la midada che pertutga viagiaturs ord 38 stadis dal program «Visa-Waiver». Persunas ord quests pajais na pon en l'avegnir betg pli entrar en ils Stadis Unids cun in visum electronic sch'ellas èn stadas ils ultims 5 onns en la Siria, l'Irac, l'Iran u en il Sudan.
Ultra da quai ston societads aviaticas pajar in chasti da 50'000 dollars enstagl da 5'000 sch'ellas na controlleschan lur passagiers betg avunda.
RR novitads 06:00