Legenda:
Co schliar la crisa da fugitivs - la cumissiun da l'UE ha preschentà propostas.
Keystone
cuntegn
Exteriur - Reparter pli gist ils fugitivs sin ils stadis da l'UE
La cumissiun da l'Uniun europeica ha preschentà sias propostas per midar il dretg d'asil. La finamira saja da reparter pli gist ils fugitivs en l'Europa ha ditg il vicepresident da la cumissiun, Frans Timmermans.
Tranter auter propona la cumissiun intginas midadas da las uschenumnadas reglas da Dublin. Uschia duai era dar in mecanissem da fairness che duai vegnir en funcziun cura ch'i dat propi grondas undas da fugitivs. La cumissiun propona ch'ils requirents d'asil vegnan repartids permanentamain tenor ina clav sin ils singuls stadis da l'Uniun europeica.
