Legenda:
Johanna Mikl-Leitner banduna la politica naziunala
Ella surpiglia in post en il pajais federativ da Niederösterreich.
Keystone
cuntegn
Exteriur - Roschada en l'Austria: Sobotka enstagl Mikl-Leitner
La ministra da l'intern da l'Austria Johanna Mikl-Leitner, enconuschenta per sia lingia resoluta en la politica da fugitivs, banduna ses post. Nov minister dal intern en l'Austria daventa Wolfgang Sobotka.
La politicra Johanna Mikl-Leitner da la ÖVP banduna la politica naziunala e daventa vice-presidenta dal pajais federativ da Niederösterreich. Quai è vegnì communitgà a Vienna dal schef da la ÖVP Reinhold Mittellehner suenter ina sesida da la direcziun da la partida.
Successur da Mikl-Leitner en il ministeri da l'intern austriac daventa Wolfgang Sobotka. Ina midada dal curs en la politica da fugitivs restrictiva da l'Austria na vegn dentant betg spetgà suenter la roschada da persunal.
