Legenda:
Il minister da l'exteriur Sergej Lawrow.
Keystone
cuntegn
Exteriur - Russia vul serrar consulat american a St. Petersburg
En la dispita davart l'attatga cun tissi sin l'anteriur agent russ Sergej Skripal ha il minister da l'exteriur russ Sergej Lawrow annunzià da serrar il consulat general american a St. Petersburg.
Plinavant veglia la Russia chatschar ord pajais 60 diplomats dals Stadis Unids. Ed er diplomats d'auters pajais ch'hajan numnà represchentants russ sco «betg giavischads» stoppian bandunar la Russia.
Avant aveva la regenza dals Stadis Unids retratg l'acrediziun da 60 diplomats russ e serrà il consulat russ a Seattle.
