Abu Nabil, ch'è oriund da l'Irac, saja vegnì mazzà tar in'attatga or da l'aria sin in bajetg en la citad Derna. Quai ha fatg a savair in pledader dal ministeri da defensiun american.
En Libia regia caos e violenza dapi la cupitgada dal dictatur, Muammar al-Gaddafi il 2011. Il Stadi Islamic, che cumbatta surtut en Siria e l'Irac, ha extendì l'onn passà ses territori d'influenza era sin la Libia.
RR novitads 8:00