Legenda:
La notg duai quai dar ina ferma burasca da naiv en l’ost da l’America. (maletg simbolic)
Keystone
cuntegn
Exteriur - Serrà plazzas aviaticas en ils Stadis Unids pervia da stemprà
L'ost dals Stadis Unids da l'America cun las citads New York, Boston e Philadelphia sa prepara sin Juno, in ferm blizzard. Pervi dal stemprà da naiv han las plazzas aviaticas stritgà 3'500 sgols, e las scolas èn vegnidas serradas.
Tenor ils servetschs da l'aura datti grondas navadas sin ina distanza da radund 400 km per lung la costa da l'ost. A New York quintan ils meteorologs cun fin 60 cm naiv nova, a Boston fin 80 cm. Vitiers buffa in ferm vent cun fin 115 km/h. Pertutgà dal stemprà èn radund 29 milliuns carstgauns.
