Exteriur - Siria: attatga da rebels cun sustegn american
Ils Stadis Unids han per la prima giada sustegnì rebels en Sira ch'els han sez scolà cun in'attatga ord l'aria. Els stoppian agir per proteger la gruppa ch'els hajan scolà ed equipà cun armas per cumbatter la milissa da terror Stadi Islamic uschia communitgescha il pentagon a Washington.
L'attatga dal venderdi saja capitada per proteger la gruppa Nova Siria. Avant aveva in represchentant da la regenza americana declerà che l'armada americana haja bumbardà posiziun da la front islamista Al-Nusra.
Ordavant avean ils Stadis Unids avertì la regenza siriana da vegnir en ils pes ad els tar il cumbat cunter il Stadi Islamic. Els sajan pronts per «ulteriurs pass» per sustegnair ils rebels.
