La notg da mardi sin mesemna hai dà attatgas ord l'aria en la Siria. Medias localas rapportan che l'Israel saja responsabel per l'attatga ch'ha tutgà in deposit d'armas sin ina plazza aviatica datiers da Damascus. Trais schuldads sajan vegnids blessads tar l'attatga. L’armada israeliana n’ha betg prendì posiziun en chaussa.
Ella ha gia bumbardà pliras giadas miras da la milissa terroristica «Hisbollah» en la Siria.
