Legenda:
I regia il privel che la situaziun giaja or da controlla en ils centers d'asil.
Keystone
cuntegn
Exteriur - Situaziun en centers d'asil vegn pli critica
En Germania avertescha il sindicat da la polizia davart in’escalaziun da la violenza en centers d'asil. Igl existia il privel ch'ins perdia la controlla da la situaziun, uschia il sindicat envers medias tudestgas.
Entant dettia quai bunamain mintgadi confruntaziuns violentas en center da fugitivs. Latiers na giaja quai però betg mo per pitschnas dispitas. Ils requirents d'asil attatgian per part in l’auter cun armas ch'els hajan construì sez. Pir il mardi era la situaziun en in center d'asil en la Germania dal sid escalada.
