La partida da Janez Jansa ha retschavì 24,4% da las vuschs. Ella vul surtut rinforzar la politica da migraziun tenor l'exempel da l'Ungaria e ses president Victor Orban. Per Jansa vegnia dentant grev da furmar ina regenza, perquai ch'el è politicamain isolà. Il 2014 n'era Jansa betg pli vegnì reelegì sco president, quai suenter in'affera da corrupziun. Per Jansa è l'emprima victoria da sia partida in emprim pass en direcziun d'in ferm pajas, tenor l'exempel da l'Ungaria.
La partida dal schef da la regenza da fin uss, Miro Cerar, ha cuntanschì 9,8% ed è cunquai pir sin il terz plaz. Sin il segund plaz è la glista «anti-sistem» (LMS) dal comicher Marjan Sarec.
RR novitads 06:00