Legenda:
La collavuraziun duai evitar maletgs sco quest:
In migrant dal Honduras gida ad ina matta da surpassar a Tijuana il cunfin en ils Stadis Unids.
Keystone
cuntegn
Exteriur - Stadis Unids e Mexico ensemen cunter migraziun
Ils Stadis Unids ed il Mexico han decis il mardi investiziuns impurtantas en l’America centrala ed en il sid dal Mexico. Uschia speran ils dus stadis da pudair metter cunfins a la migraziun. Quai rapporta l’agentura da novitads svizra SDA.
Per promover l’economia en la Guatemala, Honduras ed El Salvador mettan a disposiziun ils Stadis Unids ed il Mexico quasi sis milliardas dollars. Quai communitgescha il ministeri da l'exteriur american. Ulteriuras tschintg milliardas dollars èn previsas per il Sid dal Mexico.
Mintg'onn fuin tschientmillis da persunas da la paupradad e la violenza en lur pajais en direcziun Stadis Unids.
