Ils Stadis Unids sco era l'Uniun europeica han ier pretendì, ch'il schef da stab dal president ad interim Juan Guaidó vegn laschà liber. Il minister da l'exteriur american Mike Pompeo smanatscha a la regenza dal schef dal stadi Nicolás Maduro cun consequenzas. Sco quai ch'el scriva sin Twitter, veglian els «dumandar pled e fatg dals responsabels».
Gievgia ha il servetsch secret da la Venezuela arrestà il schef da stab da Juan Guaidó. Els renfatschan a quel, da far part d'in'organisaziun terroristica. Vinavant duaja el esser en possess da dus schluppets.
Guaidó percunter ha declerà, ch'ils schluppets na tutgian betg a ses schef da stab.
RR novitads 06:00
