L’um suspectà da l’Usbekistan ha confessà l’attatga terroristica a Stockholm. L'um haja dà tiers d'avair commess in delict terroristic ed acceptia dad esser en arrest d'inquisiziun ha ditg il defensur d'uffizi. Da l’attentader probabel sa tracti dad in requirent d’asil refusà da 39 onns.
A l’attatga il venderdi passà èn quatter persunas vegnidas mazzadas e 15 blessadas, cura ch’in camiun è charrà en passants en il center da Stockholm. Dals morts sa tractia d'ina persuna da l'Engalterra, ina da la Belgia e duas dunnas da la Svezia.
RR novitads 11:00