En il process da sex cunter Dominque Strauss-Kahn ha la procura publica franzosa pretendì ch'el vegnia declerà nunculpant. I na possia betg vegnir cumprovà che l'anteriur schef dal fond monetar internaziunal IWF saja culpant da grev ruffianissem.
A Strauss-Kahn era vegnì rinfatschà d'avair cunorganisà partis da sex cun call-girls. Durant il process a Lille ha el laschà valair d'esser sa participà a talas partis. Strauss-Kahn ha dentant snegà d'avair savì che las dunnas sajan prostituadas.
Process cunter Strauss-Kahn e 13 ulteriurs accusads
Il process cunter el e 13 ulteriurs accusads aveva cumenzà l’entschatta favrer a Lille. Il venderdi duai quel esser terminà, ina sentenzia dastgass dentant pir crudar pli tard.
