Almain 16 persunas sajan mortas, pliras 100 persunas sajan fugidas da las inundaziuns sin ils tetgs da lur chasas. Passa 20’000 persunas avevan bandunà lur chasas pervi dal stemprà.
Dasper schuldads e policists emprovan er gidanters voluntaris da cuntanscher las persunas cun bartgas. En pliras provinzas na datti nagin’electricitad e bleras vias n'èn betg pli passablas pervi da bovas.
Il taifun era fruntà la dumengia sin l'insla Luzon cun spertadads da fin 210 kilometers l'ura. L’insla sa chatta radund 215 kilometers en il nord-ost da la chapitala Manila.
RR novitads 17:00