Il taifun Maysak ha tutgà las Filippinas cun plievgia e vent bler pli flaivel che quintà. Tuttina ha l’uffizi da meteorologia avertì ils pestgaders da restar en il port.
Il privel d'aua gronda n'è dentant betg sa verifitgà. Anc il venderdi aveva Maysak buffà cun spertadads da passa 200 km/h. Questa dumengia eran las spertadads anc sin radund 55 km/h. Las autoritads da las Filippinas avevan evacuà passa 25'000 persunas pervi dal taifun. Malgrà ch’il stemprà è vegnì pli flaivel, vegni spetgà inundaziuns e bovas a la costa dal nord da las Filippinas.
