Legenda:
L'anteriur schef da la regenza tailandaisa Prem Tinsulanonda, qua ad in occurrenza il 2014.
Keystone
cuntegn
Exteriur - Tailanda: Prem Tinsulanonda (96 onns) surpiglia per Bhumibol
Suenter la mort dal retg Bhumibol ha l'anteriur schef da regenza da 96 onns surpiglià ad interim las fatschentas dal monarc. Quai ha confermà la regenza a Bangkok.
Prem timunescha dapi il 1988 il stab da cussegliaziun dal retg. En quella rolla daventa el automaticamain regent tar ina vacanza dal tron.
La Tailanda ha ina monarchia constituziunala. Cunquai sto il parlament proclamar in nov retg. Successur al tron è il sulet figl da Bhumibol, Maha Vajiralongkorn. Sia proclamaziun avess gi lieu la gievgia curt suenter la mort da ses bab. El ha dentant dumandà la regenza per in zic temp da cordoli ensemen cun la populaziun.
