Siglir tar il cuntegn
Abdelhamid Abaaoud, el duai esser stà responsabel per ils attentats a Paris il venderdi passà.
Legenda: Abdelhamid Abaaoud, el duai esser stà responsabel per ils attentats a Paris il venderdi passà. Keystone

Exteriur Terror a Paris: Tirafils supponì Abdelhamid Abaaoud è mort

Abdelhamid Abaaoud, il tirafils supponì da las attatgas da Paris è mort. Quai ha communitgà la procura publica da la Frantscha.

Abaaoud saja mort tar la razzia da la polizia en il quartier a Saint-Denis. Las improntas dal det hajan cumprovà quai. Il Beltg da 28 onns vegn suspectà d'avair organisà las attatgas dal venderdi passà a Paris.

Tar la razzia da la mesemna han las truppas d'elita da la polizia scuvert ina cella terroristica. Sper Abaaoud è morta in'ulteriura persuna. 8 persunas èn vegnidas arrestadas.

Interpol ha identifitgà 5'800 cumbattants

L'autoritad da polizia internaziunala Interpol ha identifitgà 5'800 cumbattants esters ch'en s'unids als dschihadists en l'Irac ed en la Siria. Els derivan da var 50 differents pajais.

Tenor Interpol cumbattan var 25'000 cumbattants per il Stadi Islamic ubain autras gruppas extremistas.

RR novitads 14:00

Artitgels legids il pli savens