Exteriur - Tesla furnescha uschè blers autos sco anc mai
Il producent d'autos electrics Tesla ha furnì l'emprim quartal da quest onn uschè blers vehichels a ses clients sco anc mai en sia istorgia. Il dumber da record da 25'000 autos furnids saja in augment da var 70%, ha communitgà l'interpresa americana.
Il producent d'autos electrics Tesla ha furnì l'emprim quartal da quest 25'000 vehichels, quai è in augment da 70%. Dal schaner fin mars 2017 han els vendì 13'450 limusinas model S e 11'550 model dad electro SUVs S.
La fin dal 2016 aveva Tesla gì problems en la producziun d'autos. Quai aveva retardà las furniziuns e procurà per in minus tar las furniziuns il davos quartal dal 2016.
Tesla vul fabricar in nov model da la seria 3 e producir il proxim onn 500'000 autos.
