Legenda:
Il prinzi Ali bin al-Hussein, vicepresident da la FIFA, vul spustar las elecziun per il post da president.
Keystone
cuntegn
Exteriur - Tgi daventa president da la FIFA?
La tensiun crescha paucs dis avant l’elecziun dal nov president da la FIFA. In dals candidats il prinzi Ali bin al-Hussein da la Jordania pretenda uss che las elecziuns vegnan spustadas.
Il prinzi Ali bin al-Hussein, vicepresident da la FIFA, aveva fatg la proposta a la FIFA da duvrar cabinas da vuschar transparentas. Quai aveva la FIFA dentant refusà. Uss ha il prinzi al-Hussein fatg recurs al Tribunal internaziunal dal sport a Losanna.
Il Tribunal da sport vul uss decider sin il pli tar enfin la gievgia avantmezdi. Las elecziuns per il president da la FIFA han alura lieu venderdi proxim a Turitg.
