Anna Laura Klucker ha studegià design ed è ina experta sch’i va per la moda. Ella ha analisà intensivamain tut las monduras da las equipas naziunalas al campiunadi mundial da ballape.
Il tricot da la Svizra croda tras
La mondura da la Svizra è ina da questas monduras, che fa scurlar il chau la giuvna da 22 onns. Il tricot è classic cotschens cun in zic alv, ma i dat pliras chaussas che disturban Anna Laura Klucker. I saja vegnì integrà lingias altimetricas (Höhenlinien) e quai guarda ora memia tschertgà e simplamain suenter da memia. Plinavant disturba ella co las cifras ed ils bustabs vesan ora sin il tricot. «Ins sa quasi buc leger quai che stat scrit».
Tenor mai è il tricot da la Spagna sgarschaivels.
Sper la mondura da la Svizra datti anc ina segunda che plascha insumma buc a la giuvna da Tumein, numnadamain quella da la Spagna. Il tricot è cotschens, ma da la vart èsi vegnì integrà ulteriuras colurs, tranter auter violet – e quai en in muster fitg spezial. «Quest tricot è propi sgarschaivels».
-
Bild 1 von 5. La segunda mondura dal Mexcio è la favorita tar Anna Laura Klucker. Bildquelle: Keystone.
-
Bild 2 von 5. Il tricot da chasa da la Svizra na plascha insumma betg ad Anna Laura Klucker. Bildquelle: Keystone.
-
Bild 3 von 5. La mondura da la Frantscha tutga tut ils onns puspè tar ina da las monduras popularas. Bildquelle: Keystone.
-
Bild 4 von 5. Il tricot da la Germania ha durant quest campiunadi mundial in lev «touch da retro». Bildquelle: Keystone.
-
Bild 5 von 5. L'anteriur goli dal Mexico, Jorge Campos, era adina enconuschents per sias monduras extravagantas. Bildquelle: Keystone.
«Tricots simpels plaschan a mai»
Pli pauc saja magari pli bler, di Anna Laura Klucker. Tenor l’experta da moda vegni savens empruvà da far insatge spezial, ma il bler na gartegia quai betg.
Il tricot che plascha il meglier ad ella è il segund tricot dal Mexico. Ina mondura alva cun sdrimas orizontalas, ina en cotschen ed ina en verd. Malgrà ch’igl è atgnamain fitg simpel, haja questa mondura anc quai zic ch’ina bella mondura dovria.
RR actualitad 17:00