Legenda:
Aviuns militars da la Tirchia han attatgà posiziuns da la PKK.
Keystone
cuntegn
Exteriur - Tirchia attatga puspè la PKK
L'aviatica militar da la Tirchia ha puspè sgulà attatgas cunter posiziuns da la partida da lavur curda PKK en l'Irac dal nord. Davart ils detagls e las consequenzas datti però differentas indicaziuns.
Tenor l'agentura da novitads tirca Anadolou èn almain 60 persunas mortas tar las attatgas la notg passada. 21 aviuns militars hajan attatgà 64 posiziuns ed hajan pudì destruir il pli grond depot da muniziun da la PKK.
L'agentura da novitads Firat ch'è favuraivla als cumbattants da la PKK rapporta era da las attatgas: quai però senza indicaziuns davart unfrendas e consequenzas.
