La chamona che tutga a l’Uniun alpina austriaca sin 2384 meters sur mar è daventada unfrenda d’ina lavina da pulvra, rapporta la «Voralberg Online».
Donns totals n'èn anc betg enconuschents
Cunquai che la Totalphütte è averta be durant la stad saja plitost stà ina casualitad ch'in skiunz da turas ha chattà avant in'emna la chamona destruida. Il tract da durmir e la pendiculara da material èn vegnids destruids totalmain.
Davart ils donns totals na datti però anc naginas infurmaziuns. Las lavurs da renovaziun pon il pli baud cumenzar la primavaira.
RR novitads 17:00