Legenda:
Pervi da la mancanza da parts d'autos duain las sururas tar Toyota vegnia stritgadas a partir da l'emna proxima.
Keystone
cuntegn
Exteriur - Toyota interrumpa eventualmain producziun
Il producent d'autos giapunais Toyota ponderescha d'interrumper la producziun perquai che l’atschal manca. Quai suenter ch'in furn tar in producent d'atschal è explodì. L’incident impedescha la producziun da tocca d'autos.
Per l'emna proxima tanschian las reservas anc per che las fabricas en il Giapun possian lavurar, ha ditg in pledader da Toyota. Lasuenter vegnia la producziun evaluada di per di – tut tenor las reservas. Il producent d'atschal quinta da puspè pudair producir davent dal mars.
Toyota n’ha però fatg naginas indicaziuns, tge parts d’autos ch’èn pertutgadas. Il concern producescha mintga di 13’000 fin 14’000 vehichels en il Giapun.
