Legenda:
Milliuns autos da Toyota han in defect vid ina fanestra electrica.
Keystone
cuntegn
Exteriur - Toyota sto clamar enavos milliuns autos
Il gigant d'autos giapunais Toyota sto danovamain clamar enavos en ils lavuratoris 6,5 milliuns autos. Sco quai ch'il rival da VW communitgescha saja la raschun in defect tar in modul per ina fanestra electrica.
En l'Europa sajan pertutgads 1,2 milliuns autos. Gia ils ultims onns aveva Toyota stuì clamar enavos milliuns d'autos pervi da problems cun elements da construcziun. En consequenza aveva il concern lantschà in'offensiva da qualitad. Tar dubis cloma il concern consequentamain enavos ils autos en las garaschas.
