Ils trens sajan stads bloccads suenter in'interrupziun da l'electricitad, uschia meds da massa talians. Ord motivs da segirezza è il traffic da trens vegnids interruts. Quai ha chaschunà per in chaos sin la pli gronda staziun en l'Italia. Pir suenter uras èn ils trens puspè cursads.
Disturbis sin tut la rait da viafier
L'interrupziun da l'electricitad ha procurà per disturbis sin tut la rait da la viafier taliana. La situaziun è vegnida anc pli difficila suenter in ferm urizi. Passaschiers che han vulì bandunar la staziun n'han chattà nagins taxis. La raschun per l'interrupziun è stada in incendi en ina cabina da controlla. Il fieu è però svelt stà sut controlla.
RR novitads 11:00