Legenda:
Janet Yellen (san.) fa plaz il 2018 sco scheffa da la FED a Jerome Powell.
Reuters
cuntegn
Exteriur - Trump nominescha Powell sco nov schef da la FED
Tar la banca centrala americana FED datti ina midada al timun. Il directur da plirs onns Jerome Powell duai succeder a la scheffa actuala Janet Yellen. Il president american Donald Trump ha nominà l'um da 64 onns per remplazzar Yellen.
Lezza ha ses mandat che va a fin il favrer l'auter onn. Powell saja fitg adattà per quest post ha ditg Trump.
La nominaziun da Powell vala er sco signal da cuntinuitad en vista a la politica monetara. Il giurist vala er sco candidat che vegn acceptà tant dals Republicans sco era dals Democrats.
