Exteriur - Tusk: Desister d’agir isteric pervi da la Pologna
Tar in inscunter a Brüssel han il president da la Pologna Andrzej Duda e il president dal Cussegl da l'UE Donald Tusk discurrì da las modificaziuns da lescha dispitaivlas da la regenza polaca.
Legenda:
Il president polac Andrzej Duda ed il president dal Cussegl da l’UE Donald Tusk.
Keystone
La regenza da la Pologna aveva avant curt limità las cumpetenzas da la dretgira constituziunala, e mess las medias statalas sut la controlla da la regenza. Tusk ha ditg, ch'el saja cuntrari che l'UE prendia mesiras cunter la Pologna.
Intgins pajais da l'UE vulan retrair a la Pologna il dretg da vuschar en il Cussegl europeic, e tar inscunters da l'Uniun europeica.
