Exteriur - UE na vul naginas controllas als cunfins interns
Anc avant l'inscunter special areguard la crisa da fugitivs vul la cumissiun da l'UE preschentar in urari per salvar il sistem da Schengen senza controllas als cunfins interns.
Legenda:
Controllas als cunfins interns da l'UE pon chaschunar custs enorms. Perquai vul l'UE eliminar ellas.
Keystone
La finamira saja d'eliminar las controllas als cunfins interns uschè svelt sco pussaivel ed il pli tard enfin il november 2016. Premissa è dentant ch'ils cunfins exteriurs e las costas vegnian protegiadas.
La cumissiun da l'UE avertescha da custs enorms pervi da las controllas da cunfin internas. En in sboz che duai vegnir preschentà damaun vegn discurrì da 500 milliardas fin 1,4 billiuns euros per ils proxims 10 onns.
