Exteriur - UE propona quant fitg mintga pajais duai reducir il CO2
En il cumbat cunter la midada dal clima vul l'Uniun europeica reducir las emissiuns da CO2 fin il 2030 per 40% cumpareglià cun il 1990. Per cuntanscher quai ha la cumissiun da l'UE preschentà propostas quant fitg che mintga singul pajais duai reducir sias emissiuns.
Legenda:
L'UE vul reducir las emissiuns da CO2 fin il 2030 per 40%.
Keystone
La Svezia ed il Luxemburg han survegnì las pli ambiziusas finamiras. Ils dus pajais duain sminuir lur emissiuns per 40%. La Pologna perencunter duai sulet reducir quellas per 7%, la Bulgaria insumma betg.
La cumissiun da l'UE vul plinavant per l'emprima giada introducir limitas da CO2 per producents da camiuns e bus.
