Legenda:
Tenor la clav da repartiziun avess l'UE gì da reparter 60'000 fugitivs.
Keystone
cuntegn
Exteriur - UE sa cunvegn, manchenta però la finamira
Als ministers da l'intern da l'UE n'èsi betg reussì da reparter 60’000 fugitivs entaifer 2 onns sin ils pajais da l'UE. Els èn sulettamain sa cunvegnids, co reparter stgars 55’000 persunas. L'october pon ins uss entschaiver a reparter ils fugitivs.
La gronda part surpiglian la Germania e la Frantscha. La Germania passa 12’000, la Frantscha bun 9’000. Oriundamain aveva l'UE vulì introducir ina clav da repartiziun lianta.
Tenor quella avessan 40’000 fugitivs da la Grezia e da l'Italia duì vegnir repartids, sco segn da solidaritad. 20’000 ulteriurs fugitivs vuleva l'UE tscherner direct en champs da fugitivs da l'ONU e domiciliar els da nov en pajais da l'UE.
