Exteriur - Ulteriura bova en Myanmar sutterra plirs tozzels persunas
En il sidost da l'Asia en il Myanmar ha ina bova sutterrà numerusas persunas - quai, per la segunda giada aifer 5 emnas. La bova haja cuvert ina regiun nua ch'i vegn explotà crappa preziusa da jade.
Legenda:
En il Myanmar sa chattan ils pli gronds deposits da jade dal mund.
Reuters
Tenor in represchentant da l'administraziun locala da Hpakant n'hajan las equipas da salvament nagina speranza da chattar survivents.
Gia ils 21 da november eran passa 100 persunas mortas en ina bova en la medema regiun. Las bleras unfrendas eran paupers lavurers migrants che tschertgavan restanzas da crappa preziusa sin ils bots da glera da las minieras da jade.
