Legenda:
Ashton Carter s'exprima envers las medias.
Reuters
cuntegn
Exteriur - USA pronta per operaziuns terrestras
En il cumbat cunter la milissa terroristica Stadi Islamic vulan ils Stadis Unids rinforzar lur engaschament. Il minister da defensiun american Ashton Carter è sa declerà pront per operaziuns terrestras. Quai n'era betg stà en discussiun fin uss.
En ina audiziun avant il senat ha Carter declerà ch'i na saja betg sclaus da sustegnair alliads tar attatgas cunter il Stadi Islamic ubain d'exequir sez talas.
Plinavant vulan ils Stadis Unids participar l'Iran als discurs davart il conflict da la Siria. Enfin ussa era quai adina vegnì sclaus.
