Legenda:
Maletg simbolic: In tractament cun 4 vaccinaziuns duai custar var 19 francs.
Keystone
cuntegn
Exteriur - Vaccin cunter malaria è sin buna via
Per l'emprima giada ha ina vaccinaziun cunter la malaria superà in dals davos stgalims per survegnir l'admissiun. L'Agentura europeica da medicaments ha publitgà in rapport positiv dal med da vaccinar «Mosquirix».
Dal rapport resorta ch'ils avantatgs dal vaccin surpassan ils dischavantatgs malgrà in effect limità. Tenor in studi protegia Mosquirix tranter in quart ed in terz dals uffants tranter in e 4 onns.
In tractament cun 4 vaccinaziuns duai custar var 19 francs. Mintg'onn moran 600'000 persunas pervi da la malaria, cunzunt en l'Africa. 4 da 5 morts èn uffants sut 5 onns.
