Venderdi sontg en festivitads enturn il mund
-
Bild 1 von 7. Gerusalem (Israel): Ina processiun da pellegrinas cristianas en la citad veglia. Bildquelle: Keystone.
-
Bild 2 von 7. Bangalore (India): In crettaivel cristian durant ina processiun religiusa en India. Bildquelle: Keystone.
-
Bild 3 von 7. Sofia (Bulgaria): In crettaivel da fieu ina chandaila en la catedrala Alexander Nevski. Bildquelle: Keystone.
-
Bild 4 von 7. Aceh (Indonesia): Cristians commemoreschan en in teater religius enconuschent sco ‘Via Dolorosa’ la passiun da Cristus. Bildquelle: Keystone.
-
Bild 5 von 7. Paombong (Filippinas): Adina puspè fan crettaivels catolics penitenzia tras painas realas, malgrà che la baselgia catolica na vul betg quai. Bildquelle: Keystone.
-
Bild 6 von 7. Cutud (Filippinas): Penitents filipins durant in teater religius per il venderdi sontg. Bildquelle: Keystone.
-
Bild 7 von 7. Sydney (Australia): Martgà da peschs per il venderdi sontg. Bildquelle: Keystone.
Sin l'entir mund sa regordan cristians il venderdi sontg da la passiun da Jesus Cristus. Ina part da questa commemoraziun è la via dolurusa. En la citad veglia da Jerusalem han cumenzà las festivitads religiusas dal Venderdi sontg. Millis da pelegrins han fatg processiuns sin la Via Dolorosa.
Quest onn vegn la festa da Pasca betg mo festivada da las baselgias dal vest e da la baselgia ortodoxa. Era la festa giudaica dal Pessach vegn celebrada quest'emna. Ils turistichers da l'Israel spetgan quests dis radund 80’000 pelegrins cristians e radund 80’000 pelegrins giudaics or da l'exteriur.
Attatga cun cuntè
Durant las festivitads per il venderdi sontg ha in um che deriva da l'ost da Jerusalem attatgà ina giuvna studenta Brita cun in cuntè. La dunna da 25 onns saja morta curt suenter l'attentat, rapporta la polizia. Tenor las emprimas inquisiziuns da la polizia pudessi esser che l'attentader pateschia d'ina malsogna psichica.
RR novitads 12:00