Legenda:
Il futur president sto cunzunt reparar la fidanza en il stadi. Sia lingia politica n'è però anc betg enconuschenta.
Keystone
cuntegn
Exteriur - Victoria a l'urna per Morales
L'anteriur comicher Jimmy Morales daventa il nov president da la Guatemala. Suenter avair ils resultats da 70% dals locals electorals survegn il noviz politic 68,29% da las vuschs.
Morales ha profità da la gritta da blers Guatemaltecs pervi d’elitas politicas corruptas. Sia concurrenta Sandra Torres, l'anteriura first lady, ha concedì sia terrada. Ella ha survegnì stgars 32% da las vuschs.
Pervi d'in scandal da corrupziun era il president d'enfin quà, Otto Pérez, sa retratg.
