II cussegl d'administraziun dal concern d'autos VW ha decis da reducir las pajas en il management aut, sco reacziun sin il scandal da svapur – però era sin critica vi da las pajas dals managers. Ultra da quai duain ils criteris per ils pajaments da boni vegnir pli restrictivs.
Reducziun da paja da 40%
Il schef da VW duai en il futur gudagnar anc maximalmain 10 milliuns euros -- Ils commembers da la direcziun maximalmain 5,5 milliuns. Las pajas maximalas dals managers da VW sa reduceschan cun quai per 40%.
Malgrà il scandal da svapurs, enconuschent sco «diesel-gate», ha il concern VW però pudì registrar il 2016 in gudogn da radund 5,1 milliardas euros.
RR novitads 11:00