Siglir tar il cuntegn
Persuna che mesira la valur dal sang.
Legenda: Cumpareglià cun avant passa 35 onns è il dumber da las persunas cun diabetes creschì per il 4 dubel. Keystone

Exteriur WHO vul cumbatter diabetes

Il di mundial da la sanadad dad oz stat sut il motto «Beat Diabetes», cumbatta diabetes. En l'entir mund dettia ozendi bunamain 4 giadas dapli diabetichers ch’il 1980, constatescha l’Organisaziun mundiala da la sanadad WHO. 420 milliuns carstgauns sajan pertutgads da la malsogna da metabolissem.

La culpa saja ch'adina dapli carstgauns sajan exposts a facturs da ristg sco surpais. Tenor la WHO n'èn dentant betg mo pli ils pajais sviluppads pertutgads da diabetes.

Er en regiuns cun entradas pitschnas u mesaunas sa derasia la malsogna adina pli fitg. Na vegnia fatg nagut, daventia diabetes ina da las raschuns da la mort globala la pli frequenta. «Beat Diabetes»

RR novitads 06:00

Artitgels legids il pli savens