Legenda:
La citad da Wolfsburg quinta cun marcantamain damain entradas da taglia pervi dal scandal da VW.
Keystone
cuntegn
Exteriur - Wolfsburg prenda mesiras pervi dal scandal da VW
La citad da Wolfsburg, nua che VW ha sia sedia, reagescha sin il scandal da svapur dal concern da VW. Ins haja per immediat ordinà in scumond da recrutar persunal ed ina bloccada dal budget, communitgeschan las autoritads da la citad.
Pervi dal scandal da manipulaziun fa la citad quint cun marcantamain damain entradas da taglia. Plinavant ha Wolfburg spurtà las tractativas davart il budget per l’auter onn sin mez december. Er ulteriurs lieus en il conturn prendian mesiras preventivas. VW occupescha sulettamain a Wolfsburg 60’000 persunas.
