Siglir tar il cuntegn

Header

Policists tudestgs che sa discurran
Legenda: Tar la razzia en la Baviera ha la polizia ordinaria gì sustegn d’ina unitad speziala. Keystone
cuntegn

Exteriur Extremist da la dretga sajetta sin policists tudestgs

D'ina razzia en la Baviera ha in aderent da la gruppaziun da l'extrema dretga «Reichsbürger» sajettà sin policists e blessà quatter da quels, per part grevamain.

La polizia ha sinaquai arrestà l'um da 49 onns ch’è vegnì blessà levamain. Las autoritads avevan ordinà da far ina perquisiziun tar l’um, per confiscar armas ch’el possedeva legalmain. En ses mauns valevan quellas dentant sco memia malsegiras. Accumpagnà la perquisiziun aveva in’unitad speziala da la polizia, e l’um ha immediat cumenzà a sajettar sin ils policists.

Ils uschenumnads «Reichsbürger» na renconuschan betg la Republica Federala Tudestga. Els partan dal fatg che la Germania, u sco els numnan il pajais «Deutsches Reich», existia anc entaifer ils cunfins dal 1937.

RR novitads 12:00

Artitgels legids il pli savens

Scrollar a sanestra Scrollar a dretga