Siglir tar il cuntegn

Exteriur EZB dat vinavant daners a bancas greccas

La Banca centrala europeica EZB sustegna vinavant las bancas greccas cun agid d'urgenza. Il volumen da quel vegnia a restar sin il nivel da fin qua da 90 milliardas euros, ha communitgà la banca a Francfurt.

bajetg ezb a frankfurt
Legenda: La Banca centrala europeica na lascha betg crudar la Grezia e conceda vinavant agid d'urgenza. Keystone

Ins saja però mintga mument pront da valitar da nov la situaziun. Cunquai è il privel che las bancas greccas na pon bainbaud betg pli pajair ora daners almain per il mument eliminà.

Bancas greccas dapi mais avisadas sin credits d'urgenza

Las bancas greccas èn gia dapi mais avisadas sin credits d'urgenza da la Banca centrala. Facticamain è quest agid il mument la suletta funtauna da daners per ils insituts da daners grecs.

Varoufakis dementescha da vulair serrar las bancas glindesdi

Entant ha il minister da fianzas grec Yanis Varoufakis dementì infurmaziuns che la regenza considereschia d'introducir controllas per il traffic dal chapital e da serrar las bancas glindesdi. Talas mesiras na sajan betg cumpatiblas cun l'uniun monetara.

Las emnas passadas aveva la Banca centrala adina puspè augmentà l'agid d'urgenza per las bancas per che quellas restian solventas.

Ministers da finanzas da l'euro na vulan betg prolungar agid

Sonda han ils ministers da finanzas da l'euro decis da betg pli prolungar il program d'agid. Avant aveva la Grezia annunzià da laschar decider il pievel davart il program da spargn.

RR novitads 15:00